مش ضرورى عنوان

السلام عليكم ورحمة الله وبركاته 
بصراحه كدا مكنتش اتوقع انى هلاقى منتدى مخصوص للمطريه انا من سكانها ولكن من كتر ما هى منطقه مهمشه من كل شىء بقيت احس انها معزوله عن العالم الخارجى بقيت احس انها جزيرة مستقله بذاتها واكيد دا مش احساسى لوحدى دا احساس كتير جدا من الناس بس عايشين وخلاص

المطريه مش قادره احدد بالظبط ان كانت منطقه عشوائيه او شعبيه لانها بمرور الوقت بتنحدر اكتر يعنى المرافق العامه تكاد تكون منعدمه 

فى مخالفات مهوله للقوانين ومنقدرش ننكر دا فى اخلاقيات بتسوء كل يوم اكتر من اللى قبله مقدرش انكر دا من الأخر كل واحد بيعمل اللى على مزاجه واللى يريحه هو بدون خسابات اخرى لاقانون ولا عرف ولا نظام ولا حتى نظافه كله اصبح مشوه انا بتكلم عن المنطقه ككل 


خلاصة الكلام عشان مبحبش اطول عليكوا اتكلمنا كتير اوى لغاية ما بقاش حيلتنا نعمله ف البلد دى غير الكلام 
ونفسنا نشوف فعل نفسنا فعلا نقول للحكومه اللى منعرفلهاش مكان ولا زمان احنا مش محتاجينك فى شىء 
ونبقى احنا الحكومه واحنا المسؤلين عن المنطقه المنسيه دى نفسى نشكل لجنه مسؤله عن اللى يخالف القانون تعاقبه بنفسها او تسلمه للقسم ويتحاسب 
نفسى نجتمع ولو مره على حاجه صح 
نفسى اللى  يشوف حاجه غلط وخارجه عن الصح يبلغ اللجنه دى 
نفسى لما نلاقى البياعين فى ميدان المطريه واخدين تلات ارباع الطريق لحسابهم نجتمع ونقول لالالالالالالالالالالالالالالالالا 
 ونتصرف 
نفسى اشوف فعل مش كلام وانا مستعده اساهم باى شىء 
بس نشغل الدماغ وكفايه شعارات وكلام مالوش لازمه 
معرفش مين اللى عمل المنتدى ولا اعرف هو اهدافه ايه 
بس انا قولت استغل فرصة انى لاقيته قدامى 
واقول اللى بتمناه وياريت الاقى استجابه

ياااارب